بقات فيا ديك لبنيــــــة

بقات فيا ديك لبنيــــــة
فاش سالت دمعة من عينيها
فاش حكات لي القضية
وحسيت باللي بيها
فهماتلي بلي هي مظلومة
مابقات قيمة في الحومة
الشكوى لي كان سباب
فهاد الكية فهاد لعذاب
تذوق لمرار ولا من ينصفها
حتى حبابها مشاو وخلاوها
ونادمة اللي عطات عشقها
اللي ما يستاهل دمعتها
قالت لي مابق لي أمال في الحياة
الناس في الهنا وهي في الآهات
تبكي على سعدها وزهرها
حبيب القلب مشى وغدرها
قلت لها صبري لاتقطعي لياس
غمة زايلة ويزول الباس
شحال ما يبقى الليل يصبح الحال
يزول عليك الغم وترتاحي

الشاعر محمد العايدي